მას შემდეგ რაც მსოფლიოს რამდენიმე ქვეყანამ რუსეთს სანქციები დაუწესა, საპასუხო გზავნილი რუსეთმაც გაავრცელა. კრემლი განსაკუთრებით გერმანიის გადაწყვეტილებამ გააცოფა, კერძოდ, გაზსადენი ჩრდილოეთის ნაკადი 2-ის პროექტის შეჩერება.
აღნიშნულის საპასუხოდ, რუსეთის უშიშროების საბჭოს მდივნის მოადგილე დიმიტრი მედვედევი ევროპა გაზის გაძვირებით დაემუქრა.
„გერმანიის კანცლერმა ოლაფ შოლცმა გამოსცა ბრძანება გაზსადენ „ჩრდილოეთის ნაკადი 2-ის“ სერტიფიცირების პროცესის შეჩერების შესახებ. კარგი, კეთილი იყოს მამაც, ახალ სამყაროში თქვენი მობრძანება, სადაც ძალიან მალე ევროპელებს მოუწევთ 2 000 ევროს გადახდა 1000 კუბური მეტრი ბუნებრივი გაზისთვის“ – წერს მედვედევი სოციალურ ქსელში.
